FPNCC မှ NCA လက်မှတ်ရေးထိုးထားသော လက်နက်ကိုင်အဖွဲ့အစည်းများ၊ အစိုးရ၊ တပ်မတော်တို့အကြား နေပြည်တော်တွင် သုံးပွင့်ဆိုင် အစည်းအဝေးကျင်းပခြင်းအပေါ် ထုတ်ပြန်ကြေညာခြင်း

FPNCC မှ NCA လက်မှတ်ရေးထိုးထားသော လက်နက်ကိုင်အဖွဲ့အစည်းများ၊ အစိုးရ၊ တပ်မတော်တို့အကြား နေပြည်တော်တွင် သုံးပွင့်ဆိုင် အစည်းအဝေးကျင်းပခြင်းအပေါ် ထုတ်ပြန်ကြေညာခြင်း

စာအမှတ် (၂၀၁၈)/၀၀၆

ရက်စွဲ – ၂၀၁၈ ခုနှစ်၊ အောက်တိုဘာလ (၁၃)ရက်

၁။ မကြာမီနေပြည်တော်တွင် ကျင်းပမည့် NCA လက်မှတ်ထိုးထားသော အဖွဲ့အစည်းများ အစိုးရ၊ တပ်မတော်တို့အကြားသုံးပွင့်ဆိုင် တိုက်ရိုက်အဆင့်မြင့်ဆွေးနွေးမှုအစည်းအဝေးသည် မြန်မာနိုင်ငံငြိမ်းချမ်းရေးဖြစ်စဉ်၏ အရေးပါသော အစည်းအဝေးတစ်ရပ်ဖြစ်ပြီး ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ (FPNCC)အနေဖြင့် အထူးပင်လှိုက်လှိုက်လှဲလှဲကြိုဆိုအားပေးထောက်ခံပါကြောင်း ပြောကြားလိုပါသည်။ ဆွေးနွေးပွဲတွင်ပါဝင်သော အဖွဲ့များအနေဖြင့် တစ်နိုင်ငံလုံးပြည်သူလူထုနှစ်နှစ်ကာကာထားရှိသော မျှော်လင့်ချက်ကိုမသွေဖီစေရန်နှင့် ဤတိုက်ရိုက်ဆွေးနွေးမှုတွင် အပြုသဘောဆောင်သည့်ရလဒ်များရရှိရန် မျှော်လင့်ပါသည်။

၂။ ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ (FPNCC)အနေဖြင့် “တစ်နိုင်ငံလုံးအပစ်အခတ်ရပ်စဲရေးသဘောတူစာချုပ်’’(NCA)လမ်းကြောင်းသည် လက်မှတ်ရေးထိုးထားသောအဖွဲ့အစည်းများ၏ ထိန်းချုပ်ရာဒေသများအတွင်း စစ်မှန်သောငြိမ်းချမ်းရေးဦးတည်ချက်များကို အောင်မြင်စွာဖော်ဆောင်နိုင်မည်ဆိုလျှင် “တစ်နိုင်ငံလုံးအပစ်အခတ်ရပ်စဲရေးသဘောတူစာချုပ်’’(NCA)အပါအဝင်တစ်နိုင်ငံလုံးငြိမ်းချမ်းရေးအတွက်အထောက်အကူပြုစေမည့် မည်သည့်လမ်းကြောင်းမျိုးကိုမဆို ကြိုးပမ်းဆောင်ရွက်မှုမှန်သမျှအား အစဉ်အမြဲထောက်ခံပါသည်။

၃။ ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ(FPNCC)အနေဖြင့် မြန်မာနိုင်ငံမြောက်ပိုင်း၏ ငြိမ်းချမ်းရေးကိုထိထိရောက်ရောက်ဖော်ဆောင်နိုင်ရန်အတွက် သင့်တော်သည့်လမ်းကြောင်းကို အစိုးရ၊ တပ်မတော်တို့နှင့် သုံးပွင့်ဆိုင်ထိပ်သီးအစည်းအဝေးညှိနှိုင်းကျင်းပဆွေးနွေးနိုင်ရန် အချိန်မရွေးအဆင်သင့်ရှိကြောင်းထုတ်ပြန်ကြေညာအပ်ပါသည်။

ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ (FPNCC)

Leave a Reply

Your email address will not be published. Required fields are marked *